Voortgesette bedieningsontwikkeling
Hoe om VBO-punte te verdien
VBO is ’n reis van lewenslange leer. By jou legitimasie het jy jou daartoe verbind; hier sien jy hoe jy punte verdien en hoe dit op jou profiel kom.
1 uur = 1 puntaktiewe leer, tot die maksimum per tipe
3-jaar sikluspunte word oor drie jaar bereken
Minstens 20punte by interaktiewe kontakgeleenthede
6–12 daeverlof per jaar vir VBO (Kerkorde, Reglement 20)
Puntetabel 2026
Waar kan jy punte verdien?
Vyftien tipes VBO in drie groepe, soos in die prospektus van die VBO-Taakspan.
Kursusse
Kursusse en konferensies
10 punte per dag, tot 30
By VBO-diensverskaffers soos Excelsus, Didasko en Communitas.
Geakkrediteerde kursusse
10 punte per dag, tot 30 per kursus
Kursusse van ander instansies wat vir VBO geakkrediteer is.
Ring- en sinodale kursusse
Tot 10 punte per jaar
Ook diens op ’n ringskommissie (op versoek van die ringsvoorsitter), of ’n studiestuk van ±6 000 woorde vir ’n sinode.
Studie en skryf
Verdere studie
Honneurs 50 per jaar · M (navorsing) 100 · M (praktyk) 150 · D 200
Toegeken op die datum van gradeplegtigheid, met ’n afskrif van die sertifikaat.
Selfstudie
10 per boek (tot 30) · 5 per artikel (tot 15)
Dien ’n opsomming van ±800 woorde (2 bladsye) in.
Akademiese artikels
Tot 20 punte per jaar
Eweknie-beoordeelde artikels, studiestukke vir kerklike kommissies, of deelname aan akademiese vakwerkgemeenskappe.
Selfsorg en selfontwikkeling
10 punte per jaar
Byvoorbeeld skilderlesse of ’n oefenprogram (30 000+ Vitality-punte). Stuur jou bewys aan Rika van Rensburg by excelsus@up.ac.za.
Navorsings- en studiegroepe
1 punt per uur, tot 10 per jaar
Groepe wat gereeld bymekaarkom om boeke te bespreek of deur te werk.
Skryf van boeke
50 punte per boek
Geestelike of bedieningsverwante boeke.
Skryf van artikels
2 punte (onder 1 000 woorde) · 5 punte (daarbo)
Vir kerklike of geestelike tydskrifte.
Ontwerp van kursusse
1 dag 20 · 2 dae 40 · 3 dae 60 punte
Kursusse vir predikante wat jy ontwerp en skryf.
Ander
Mentoraat
Tot 10 punte per jaar
Ongeveer 10 uur per jaar in ’n mentorverhouding met geakkrediteerde mentors – vir mentor én mentee.
Aanbieding van kursusse
Dieselfde as die deelnemers
Fakulteit- en VBO-kursusse; een keer per jaar, vir hoogstens drie jaar. Die aanbieder neem ook aan ander VBO deel.
Retraites
10 punte per dag, tot 30
Dieselfde as vir ’n VBO-kursus.
Sabbatsretraite (30 dae)
30 punte
As dit as leer-, selfsorg- of selfontwikkelingsgeleentheid ingerig is (bv. ’n pelgrimstog). Met ’n verslag aan die VBO-kantoor.
Die volledige riglyne staan in die prospektus Gestuur, Gevorm, Geroep. Laai die prospektus af (PDF)
VBO-vereistes per bedieningskode
Hoeveel punte moet ek elke jaar hê?
Dit hang af van jou kode by die Algemene Bevoegdheidsraad (ABR). In die eerste drie jaar ná legitimasie geld ’n hoër aantal. Kies jou groep.
APredikante’n Gelegitimeerde wat deur ’n gemeente beroep en bevestig is, of daaraan gekoppel is.30–50punte per jaar
| Kode | Wie | Per jaar | Eerste 3 jaar |
|---|---|---|---|
| A01 | Predikant (voltyds)Beroep na ’n gemeente en voltyds in diens | 50 | 100 |
| A02 | Predikant (tentmaker)Gekoppel aan ’n gemeente, sonder wedersydse verpligtinge | 30 | 60 |
| A03 | Predikant (vastetermynpos)Beroep vir ’n bepaalde termyn, voltyds of deeltyds | 50 | 100 |
| A04 | Voltydse kapelaanIn diens van die Veiligheidsmagte | 50 | 100 |
| A05 | Dosent (NG)In ’n doseerpos wat aan die NG Kerk gekoppel is | 50 | 100 |
| A06 | Dosent (ander)In ’n doseerpos wat nie aan die NG Kerk gekoppel is nie | 50 | 100 |
| A07 | Predikant (kerklike pos)Sinodale diens of kerklike poste, bv. Bybelgenootskap of kinderhuise | 50 | 100 |
| A08 | Predikant (deeltyds)Permanente deeltydse pos, met ’n ander beroep daarnaas | 30 | 60 |
| A09 | Predikant (beroepbaar)Bevoegdheid behou ná verlof van die ABR, ook in ander betrekkings | 50 | 100 |
| A10 | Predikant (buitelandse kerk)Bevoegdheid behou, werksaam in ’n erkende buitelandse kerk | 50 | 100 |
BProponenteGelegitimeer, maar nog nie in ’n gemeente beroep en bevestig nie.30–50punte per jaar
| Kode | Wie | Per jaar | Eerste 3 jaar |
|---|---|---|---|
| B01 | Proponent (voltyds)Voltyds in diens van ’n gemeente | 50 | 100 |
| B02 | Proponent (deeltyds of tydelik)Deeltyds in diens van ’n gemeente of kerkverband | 30 | 60 |
| B03 | Proponent in nie-kerklike werkNie in kerklike diens nie | 30 | 60 |
CEmeritiPredikante wat die aftree-ouderdom van 65 bereik het en uit diens getree het.0–30punte per jaar
| Kode | Wie | Per jaar | Eerste 3 jaar |
|---|---|---|---|
| C01 | Emeritus (werksaam)Ná 65 in ’n vaste termyn beroep, tot 70 steeds in die bediening | 30 | – |
| C02 | Emeritus (uitgetree)Ná 65 (of ná ’n termynpos tot 70) glad nie meer by ’n gemeente betrokke nie | 0 | – |
| C03 | Emeritus (ouer as 70)Steeds by ’n gemeente betrokke as pastorale hulp | 30 | – |
| C04 | BrugleraarIn ’n vaste termyn as brugleraar, hoogstens nege maande | 30 | – |
DDiensleraars, standplaasleraars en bedienaarsOpgelei, gelegitimeer en bevestig vir ’n toegespitste bediening (Reglement 18).25–50punte per jaar
| Kode | Wie | Per jaar | Eerste 3 jaar |
|---|---|---|---|
| D01 | StandplaasleraarOpgelei vir ’n spesifieke missionale bediening, bv. vir Dowes | 50 | 100 |
| D02 | Diensleraar (gelegitimeer)Nog nie in sy of haar veld van opleiding beroep nie | 30 | 60 |
| D03 | Diensleraar (beroep)Deur ’n gemeente beroep in sy of haar veld van opleiding | 50 | 100 |
| D04 | BedienaarBevoegdheid by die ring | 25 | 50* |
* Vir bedienaars: die eerste drie jaar ná bevestiging. Persone wat hul bevoegdheid verloor het of na ’n ander kerk gegaan het (kode E), het geen VBO-vereiste nie. Bron: VBO-Taakspan 2026, ABR-kodes en VBO-punte (September 2026).
Stap vir stap
Hoe kom die punte op jou profiel?
-
1
Jou ABR-profiel
Elke gelegitimeerde het ’n profiel op die ABR-databasis, gekoppel aan die e-posadres waarmee jy geregistreer het.
-
2
Neem deel
Woon ’n Excelsus-leergeleentheid by. Kyk jy ’n opname, vul dan die VBO-vorm in met ’n paar vrae oor wat jy geleer het.
-
3
Ons laai die punte
Excelsus laai punte vir ons eie geleenthede. Vir vennote se kursusse, selfstudie of selfsorg: stuur jou bewys na die kantoor.
-
4
Kyk jou punte na
Op kerkdata.org. Iets ontbreek? Kontak Rika van Rensburg by excelsus@up.ac.za.
Jou VBO-profiel
Hoe gaan ek my VBO-punte na?
Jou punte staan op jou persoonlike profiel op die NG Kerk se databasis. Jy het geen wagwoord nodig nie – net die e-posadres waarmee jy by die ABR geregistreer is.
Wenk: Die skakel in die e-pos werk net een keer. Bewaar eerder kerkdata.org as ’n boekmerk, en vra elke keer ’n nuwe skakel aan.
-
1
Gaan na die Predikantedatabasis
Maak kerkdata.org oop.
-
2
Tik jou e-posadres in
Gebruik die e-posadres waarmee jy by die ABR geregistreer is, en klik op Stuur skakel.
-
3
Kyk in jou inkassie
Die databasis stuur ’n e-pos met ’n eenmalige aanmeldskakel na jou. Kyk ook in jou gemorspos-vouer.
-
4
Maak jou profiel oop
Klik op die skakel. Jy sien die kursusse en punte wat op jou naam aangeteken is. Punte word oor ’n 3-jaar siklus bereken.
My e-posadres word nie herken nie
Waarskynlik is ’n ander adres by die ABR geregistreer. Skryf aan die ABR by bevoegdheid@ngkerk.org.za om jou e-posadres by te werk, en probeer dan weer.
’n Kursus of punte ontbreek
Skryf aan Rika van Rensburg by excelsus@up.ac.za. Noem die kursus, die datum en die e-posadres van jou profiel.
Eerste drie jaar ná legitimasie
Predikante, proponente, diensleraars, standplaasleraars en bedienaars doen ekstra VBO in die eerste drie jaar. Sien die vereistes per bedieningskode, of die gereelde vrae.
Raamwerk
Etos, Logos en Patos
VBO bou missionale bedieningskapasiteite in drie areas – dieselfde raamwerk as die Kerklike Opleiding. Elke leergeleentheid op ons program is daarvolgens gemerk.
Etos – wie ek is en word: afhanklik van God, eerlik met myself, uit my roeping, met gewoontes van geloof.
Logos – wat en hoe ek glo: die Bybel, die evangelie, die tradisie en die gereformeerde belydenis.
Patos – wie en hoe ek dien: onderskei waar God werk, bou brûe, versorg, en begelei aanbidding.
Kerkorde
Wat sê die Kerkorde?
- Reglement 10: by legitimasie verbind jy jou tot voortgesette bedieningsontwikkeling.
- Reglement 11: VBO-punte is een van die vereistes om jou bevoegdheid te behou.
- Reglement 20: kerkrade gee 6 tot 12 kalenderdae per jaar verlof vir bedieningsontwikkeling.
- Artikel 13: kerkrade is medeverantwoordelik vir die bedieningsontwikkeling van predikante – en kan daarvoor begroot.
Kontak
By wie kry jy hulp?
Excelsus
Hoëveld, Goudland, Oostelike, Noordelike, KwaZulu-Natal, Noord-Kaap
Rika van Rensburg · excelsus@up.ac.za